"Roma" hujumchisi Paulo Dibala faoliyatini Angliya Premyer-ligasida davom ettirish imkoniyatiga ega, deb xabar beradi Calciomercato.
"Nyukasl" 29 yoshli argentinalik futbolchini o‘z safiga qo‘shib olmoqchi. "Hakkalar" "Manchester Yunayted" bilan futbolchi uchun kurashishga tayyor.
Hujumchining "Roma" bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 30 million yevroga baholamoqda.
Dibala joriy mavsum A Seriyada 16 ta o‘yinda maydonga tushib, 8 ta gol urdi va 6 ta golli uzatmani amalga oshirdi.
