"Рома" ҳужумчиси Пауло Дибала фаолиятини Англия Премьер-лигасида давом эттириш имкониятига эга, деб хабар беради Calciomercato.
"Ньюкасл" 29 ёшли аргентиналик футболчини ўз сафига қўшиб олмоқчи. "Ҳаккалар" "Манчестер Юнайтед" билан футболчи учун курашишга тайёр.
Ҳужумчининг "Рома" билан шартномаси 2025 йилнинг ёзига қадар мўлжалланган. Transfermarkt портали футболчининг нархини 30 миллион еврога баҳоламоқда.
Дибала жорий мавсум А Серияда 16 та ўйинда майдонга тушиб, 8 та гол урди ва 6 та голли узатмани амалга оширди.
