Madridning “Real” klubi yarim himoyachi Luka Modrich bilan shartnomani uzaytirish borasida muzokaralar olib bormoqda, deya xabar beradi Relevo.

Tomonlar allaqachon yangi shartnoma imzolashlari kerak edi, ammo Madrid klubi bu qarorni keyinga surmoqda. Sentyabrda 38 yoshga to‘ladigan futbolchining yoshi kattaligi klubda xavotir uyg‘otmoqda.

Madridning “Real” klubi birinchi navbatda yana bir qancha futbolchilar bilan shartnomani uzaytirmoqchi, shuningdek, Dortmundning “Borussiya” klubi yarim himoyachisi Jud Bellingemning ehtimoliy transferi bilan bog‘liq vaziyatga oydinlik kiritmoqchi.

Yozda erkin agentga aylanishi mumkin bo‘lgan Modrichning o‘zi Saudiyaning "An-Nasr" klubidan juda foydali taklifni rad etdi.

Joriy mavsumda yarim himoyachi "Real" safida jami 30 ta o‘yinda maydonga tushib, 6 ta gol urdi va 3 ta golli uzatmani amalga oshirdi.