Braziliyaning «Atletiko Paranaense» klubining 17 yoshli hujumchisi Vitor Roke Braziliya yoshlar terma jamoasidagi muvaffaqiyatli o‘yinidan so‘ng Yevropaning bir qator klublarining qiziqishiga tushdi.

Bu haqda Mundo Deportivo nashri xabar bermoqda.

Manbaga ko‘ra, braziliyalik iste’dodga Ispaniyaning «Barselona» va «Atletiko», Italiyaning «Inter», «Milan» va «Torino», Angliyaning «Arsenal», «Chelsi», «Vest Xem» va Fransiyaning «PSJ» klublari ko‘z tikmoqda.

Shu bilan birga, ularning ba’zilari «Atletiko Paranaense»ga Roke transferi bo‘yicha rasmiy takliflar bilan chiqishgan. Transfer so‘rovini yuborganlar orasida «PSJ», «Atletiko» va «Milan» klublari bor.

17 yoshli o‘yinchi uchun poygada peshqadam «Barselona» bo‘lib, uni hujumchi Robert Levandovskiga o‘rinbosar sifatida ko‘rmoqda.

Kataloniyaliklar vakillari allaqachon Braziliya klubi va futbolchining atrofidagilar bilan muzokaralar olib borishgan. Bitim 35-40 million yevro atrofida bo‘lishi kutilmoqda.