"Chelsi" himoyachisi Ris Jeyms kelajakda jamoa sardori bo‘lishi mumkin.
The Telegraph xabariga ko‘ra, London klubi Jeymsni joriy mavsum yakunida jamoani tark etishi mumkin bo‘lgan amaldagi sardor Sesar Aspilikuetaning vorisi sifatida ko‘rmoqda.
Manbaning ta’kidlashicha, "Chelsi" 23 yoshli futbolchini yaqin 12-18 oy ichida yangi sardor bo‘lishiga umid qilmoqda.
Jeyms joriy mavsumda barcha musobaqalarda 15 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Himoyachining "Chelsi" bilan shartnomasi 2028 yilgacha mo‘ljallangan.