"Челси" ҳимоячиси Рис Жеймс келажакда жамоа сардори бўлиши мумкин.
The Telegraph хабарига кўра, Лондон клуби Жеймсни жорий мавсум якунида жамоани тарк этиши мумкин бўлган амалдаги сардор Сесар Аспиликуэтанинг вориси сифатида кўрмоқда.
Манбанинг таъкидлашича, "Челси" 23 ёшли футболчини яқин 12-18 ой ичида янги сардор бўлишига умид қилмоқда.
Жеймс жорий мавсумда барча мусобақаларда 15 та ўйинда майдонга тушиб, 2 та гол урди ва 2 та голли узатмани амалга оширди. Ҳимоячининг "Челси" билан шартномаси 2028 йилгача мўлжалланган.