APL doirasidagi «Chelsi» - «Sautgempton» uchrashuvi yakunida juda yoqimsiz lahza yuz berdi. Seku Mara Sezar Aspilikuetaning yuziga behosdan tepib yubordi.

Rejissyorlar bu lahzani takroran ko‘rsatmadilar, ehtimol ta’sirchan tomoshabinlar azob chekmasliklari uchundir.

Shifokorlar Sezar Aspilikuetaga uzoq vaqt yordam berishdi. Ma’lum bo‘lishicha, 33 yoshli ispaniyalik boshiga urilgan zarbadan keyin hushidan ketib qolgan. Natijada, Aspilikueta kislorod niqobidagi zambilda maydonidan olib ketildi.

Eslatib o‘tamiz, ispaniyalik futbolchi 2012 yilning avgust oyi oxiridan beri «Chelsi»da to‘p tepadi va jamoa sardori hisoblanadi.