АПЛ доирасидаги «Челси» - «Саутгэмптон» учрашуви якунида жуда ёқимсиз лаҳза юз берди. Секу Мара Сезар Аспиликуэтанинг юзига беҳосдан тепиб юборди.
Режиссёрлар бу лаҳзани такроран кўрсатмадилар, эҳтимол таъсирчан томошабинлар азоб чекмасликлари учундир.
Шифокорлар Сезар Аспиликуэтага узоқ вақт ёрдам беришди. Маълум бўлишича, 33 ёшли испаниялик бошига урилган зарбадан кейин ҳушидан кетиб қолган. Натижада, Аспиликуэта кислород ниқобидаги замбилда майдонидан олиб кетилди.
Эслатиб ўтамиз, испаниялик футболчи 2012 йилнинг август ойи охиридан бери «Челси»да тўп тепади ва жамоа сардори ҳисобланади.
