«Rayo Valyekano» hujumchisi Radamel Falkao SSKAga o‘tishi mumkin. Bu haqda insayder Ivan Karpov o‘zining telegram-kanalida xabar berdi.

Falkao mavsum oxirigacha «Rayo Valyekano»dan ijara asosida SSKAga o‘tishga yaqin edi. Radamel Moskvaga ko‘chib o‘tishga tayyorligini bildirdi.

Biroq 37 yoshli hujumchining advokatlari unga Rossiyadan kelgan taklifni rad etishni maslahat berishdi, chunki Moskvaning SSKA klubi AQSH sanksiyalari ostida, Falkao esa AQSHda ko‘chmas mulkka ega. Futbolchi tavakkal qilmaslikka qaror qildi.

Falkao «Atletiko», «Chelsi», «Manchester Yunayted» va «Monako» klublarida o‘ynagan. Futbolchi 2021 yilda «Rayo Valyekano»ga o‘tgandi. Radamel joriy mavsum La Ligada 17 o‘yinda 2 ta gol urdi.