«Райо Вальекано» ҳужумчиси Радамель Фалькао ЦСКАга ўтиши мумкин. Бу ҳақда инсайдер Иван Карпов ўзининг телеграм-каналида хабар берди.

Фалькао мавсум охиригача «Райо Вальекано»дан ижара асосида ЦСКАга ўтишга яқин эди. Радамель Москвага кўчиб ўтишга тайёрлигини билдирди.

Бироқ 37 ёшли ҳужумчининг адвокатлари унга Россиядан келган таклифни рад этишни маслаҳат беришди, чунки Москванинг ЦСКА клуби АҚШ санкциялари остида, Фалькао эса АҚШда кўчмас мулкка эга. Футболчи таваккал қилмасликка қарор қилди.

Фалькао «Атлетико», «Челси», «Манчестер Юнайтед» ва «Монако» клубларида ўйнаган. Футболчи 2021 йилда «Райо Вальекано»га ўтганди. Радамель жорий мавсум Ла Лигада 17 ўйинда 2 та гол урди.