Angliya chempionatining yigirma to‘rtinchi turidan o‘rin olgan o‘yinda "Liverpul" safarda "Nyukasl"ni muammosiz mag‘lub etdi va "hakkalar"ning 17 o‘yindan iborat mag‘lubiyatsiz seriyasini to‘xtatdi. Yurgen Klopp shogirdlari "Nyukasl" darvozasiga ikkita gol urishdi - ya’ni 2:0 hisobida g‘alaba qozonishdi.
Ma’lum bo‘lishicha, bu Premyer-liga tarixida 1992 yildan boshlab 2:0 hisobida yakunlangan 1500-o‘yin bo‘ldi. Bu Angliya chempionati o‘yinlaridagi eng ommabop uchinchi hisob. 2136 uchrashuv 1:0 bilan yakunlangan bo‘sa, 1779 uchrashuv 2:1 hisobida nihoyasiga yetgan.
Angliya Premyer-ligasi chempionatining navbatdagi turida “Liverpul” “Kristal Pelas” bilan bahs olib boradi.