Англия чемпионатининг йигирма тўртинчи туридан ўрин олган ўйинда "Ливерпуль" сафарда "Ньюкасл"ни муаммосиз мағлуб этди ва "ҳаккалар"нинг 17 ўйиндан иборат мағлубиятсиз сериясини тўхтатди. Юрген Клопп шогирдлари "Ньюкасл" дарвозасига иккита гол уришди - яъни 2:0 ҳисобида ғалаба қозонишди.
Маълум бўлишича, бу Премьер-лига тарихида 1992 йилдан бошлаб 2:0 ҳисобида якунланган 1500-ўйин бўлди. Бу Англия чемпионати ўйинларидаги энг оммабоп учинчи ҳисоб. 2136 учрашув 1:0 билан якунланган бўса, 1779 учрашув 2:1 ҳисобида ниҳоясига етган.
Англия Премьер-лигаси чемпионатининг навбатдаги турида “Ливерпуль” “Кристал Пэлас” билан баҳс олиб боради.