«Manchester Yunayted» hujumchisi Markus Reshford ajoyib sport formasiga tushib olgan.

Jamoaning JCH-2022dan keyin o‘tkazgan 17 ta o‘yinini oladigan bo‘lsak, forvard ularda 20 ta samarali natijaga erishgan. Reshford ushbu uchrashuvlarda 15 ta gol va 5 ta golli uzatmani amalga oshirgan.

Bugun «Manchester Yunayted» o‘z uyida APL doirasida «Lester»ga qarshi bahs olib bormoqda. Birinchi bo‘lim o‘rtalarida aynan Markus Reshford hisobni ochdi.

Qo‘shimcha qilamizki, so‘nggi paytlarda Markus Reshfordga «Real», «PSJ» va «Bavariya» qiziqish bildirayotgani haqida mish-mishlar tarqalmoqda.