«Манчестер Юнайтед» ҳужумчиси Маркус Рэшфорд ажойиб спорт формасига тушиб олган.

Жамоанинг ЖЧ-2022дан кейин ўтказган 17 та ўйинини оладиган бўлсак, форвард уларда 20 та самарали натижага эришган. Рэшфорд ушбу учрашувларда 15 та гол ва 5 та голли узатмани амалга оширган.

Бугун «Манчестер Юнайтед» ўз уйида АПЛ доирасида «Лестер»га қарши баҳс олиб бормоқда. Биринчи бўлим ўрталарида айнан Маркус Рэшфорд ҳисобни очди.

Қўшимча қиламизки, сўнгги пайтларда Маркус Рэшфордга «Реал», «ПСЖ» ва «Бавария» қизиқиш билдираётгани ҳақида миш-мишлар тарқалмоқда.