Ispaniya chempionatining yigirma ikkinchi turidan o‘rin olgan so‘nggi uchrashuvda «Barselona» o‘z maydonida «Kadis»ni qabul qilib, 2:0 hisobida g‘alaba qozondi.
Ferran Torres bu o‘yinda juda ko‘p harakat qildi - aynan uning uzatmasi «Barselona»ning birinchi goliga sabab bo‘ldi.
O‘yindan so‘ng jamoa hujumchisi uchrashuv haqida shunday fikr bildirdi:
«O‘zimga yoqqan pozisiyada o‘ynaganimdan xursandman va bugun juda yaxshi futbol o‘ynadim deb o‘ylayman.
Xuddi shu uslubda davom etishga harakat qilaman», - deya Torresning so‘zlarini keltiradi Kataloniya superklubi matbuot xizmati.
