Kecha himoyachi Mats Xummels «Borussiya» safida 454-o‘yinda maydonga tushdi va klub safida eng ko‘p uchrashuv o‘tkazgan futbolchilar orasida ikkinchi o‘ringa ko‘tarilib oldi.

Bundesliganing 21-turida «Gerta» bilan kechgan bahsda (4:1) u darvozabon Roman Vaydenfellerni ortda qoldirdi.

Ma’lumot uchun, Mixael Sork «Borussiya» safida 572 ta o‘yin o‘tkazgan holda bu borada yetakchi bo‘lib qolmoqda.

Xummels «Bavariya» tarbiyalanuvchisi bo‘lib, 2008 yildan 2016 yilgacha Dortmund klubida o‘ynagan, keyin esa 2019 yilda yana «asalarilar» safiga qaytgan.