"Manchester Yunayted" katta ehtimol bilan yozgi transfer oynasida yarim himoyachisi Skott Maktominay bilan xayrlashadi. Jamoa bosh murabbiyi Erik ten Xag 26 yoshli futbolchiga umid bog‘lamayapti.
Football Insider xabariga ko‘ra, "Manchester Yunayted" Maktominay bo‘yicha takliflarni eshitishga tayyor. “Qizil iblislar” futbolchi uchun 25 million funt (taxminan 28 million yevro) talab qilmoqda.
Skott Maktominay - "Manchester Yunayted" akademiyasi bitiruvchisi. Shotlandiyalik futbolchi asosiy jamoa safida 195 ta o‘yin o‘tkazib, 18 ta gol urdi va 5 ta golli uzatmani amalga oshirdi.