"Ayaks" klubi hamda Niderlandiya terma jamoasi sobiq futbolchisi Marko van Basten hujumchilar — Muhammad Qudus va Antonini solishtirdi.

“Menimcha, Muhammad Qudus Antonidan ancha yaxshi futbolchi. Antonining texnik jihatdan yaxshi futbolchidir, lekin u nima qilmoqchi bo‘lsa, uni chalkashtirib yuboradi! Qudus ancha yaxshi texnikaga ega va u nima qilayotganini biladi.

Antoni tezroq bo‘lishi mumkin, ammo Qudus aqlli. U jamoasi uchun ancha foydali , ko‘p qirrali va har qanday pozisiyada o‘ynay oladi. Men uni Antonining foydasiz fintlaridan ko‘ra ko‘proq hurmat qilaman. Qudusning o‘yinini tomosha qilish ancha qiziqroq", - dedi "Ayaks"ning sobiq futbolchisi Ziggo Sport nashriga bergan intervyusida.

Ma’lumot o‘rnida, Antoni o‘tgan yilning avgust oyida "Ayaks"dan "Manchester Yunayted"ga bonuslar bilan birga 100 million yevro evaziga o‘tgan edi. Joriy mavsumda u Premyer-ligada 12 ta o‘yinda 3 ta gol urishga muvaffaq bo‘ldi.

Qudus esa joriy mavsumda “Ayaks” tarkibida Erediviziyaning 21 o‘yinida 9 ta gol va 1 ta golli uzatma muallifiga aylandi.