Rossiyaning «Axmat» klubi futbolchisi Bernard Berisha Ramazon oyida ro‘za tutishi va mashg‘ulotlarda ishtirok etishi borasida o‘z fikrini bildirdi.

«Ha, albatta, jamoada ko‘p futbolchilar ro‘za tutsa, oson bo‘lmaydi. Men uchun Ramazon futboldan muhimroq. Ha, futbol menga bu hayotda ko‘p narsa berdi, ammo tanlash kerak bo‘lsam, men dinimni tanlayman. Bizni tushunadigan va qo‘llab-quvvatlaydigan murabbiylarga rahmat.

Dinga amal qilish men uchun qiyin emas. Qiyin bo‘ladi, deb o‘ylagandim, ammo juda oson ekan. Hamma gap miyada. O‘zingni shunga tayyorlaysan. Agar og‘ir bo‘ladi, deb o‘ylab, o‘zingni shunga tayyorlasang, shunday bo‘ladi ham. Aksincha, Ramazon oyida yanada sog‘lomroq his etaman.

Ro‘za mening mashg‘ulot jarayonimga ta’sir ko‘rsatmaydi. Murabbiylar kerakli asboblar orqali barchasini nazorat qilib borishadi. Bu asboblar hech qanday salbiy ta’sir borligini ko‘rsatmaydi. Energiyaning o‘rni nima bilan to‘ldiriladi? Sutga solingan xurmo — ajoyib uslub», – dedi «Axmat» yarim himoyachisi.