“Inter” yarim himoyachisi Genrix Mxitaryan Romelu Lukakuning jamoa uchun ahamiyati haqida gapirdi.
O‘yin oldidan "neradzurrilar" bosh direktori Marotta Lukaku eng yaxshi formada emasligini va uning vazni 103 kg ekanligini tan oldi, ammo bu belgiyalik futbolchining "Portu"ga qarshi o‘yinda (1:0) zaxiradan maydonga tushganidan keyin g‘alaba golini urishiga to‘sqinlik qilmadi.
"U og‘ir damlarni boshdan kechirmoqda, chunki u eski jarohatidan zo‘rg‘a tuzalib, yangi jarohat oldi, ammo u mo‘’jizalarga qodir ekanini yana bir bor isbotladi. Romelu “Inter” uchun eng muhim o‘yinchi va biz hammamiz umid qilamizki, u optimal formaga kirib, shunday holatda qoladi”, — dedi Mxitaryan g‘alabadan keyin Sky Sport Italia nashriga bergan intervyusida.
