Portugaliyalik himoyachi Joau Kanselu qishki transferlar vaqtida kutilmaganda «Manchester Siti»ni tark etishi sabablarini aytdi.

«Jahon chempionatidan so‘ng Gvardiola o‘yinning yangi uslubini topdi. Riko Lyuis va Natan Ake tandemi unga yoqdi.

Har qanday futbolchi o‘zini muhim his qilishni xohlaydi, o‘ynashni xohlaydi. Kim bundan boshqacha gapirsa, yolg‘on aytgan bo‘ladi.

Menga o‘xshagan sovrinlarni yutishni istagan futbolchi shunchaki ko‘proq o‘ynashni xohlaydi. Men jamoadoshlarimni qadrsizlantirishni xohlamayman, lekin men o‘ynashga loyiqman deb o‘yladim, Pep esa boshqacha qaror tutdi.

Biz gaplashdik, bahslashmadik va jamoamni almashtirish yaxshi qaror deb o‘yladim. Bu men rad eta olmaydigan imkoniyat edi. Hammasi kelishilgan edi.

Ha, menda qiyin xarakter bor, lekin hech qachon, hech qanday sharoitda jamoadoshlarim yoki murabbiylarga hurmatsizlik qilmaganman», dedi Joau Portugaliya matbuotiga.