Португалиялик ҳимоячи Жоау Канселу қишки трансферлар вақтида кутилмаганда «Манчестер Сити»ни тарк этиши сабабларини айтди.
«Жаҳон чемпионатидан сўнг Гвардиола ўйиннинг янги услубини топди. Рико Льюис ва Натан Аке тандеми унга ёқди.
Ҳар қандай футболчи ўзини муҳим ҳис қилишни хоҳлайди, ўйнашни хоҳлайди. Ким бундан бошқача гапирса, ёлғон айтган бўлади.
Менга ўхшаган совринларни ютишни истаган футболчи шунчаки кўпроқ ўйнашни хоҳлайди. Мен жамоадошларимни қадрсизлантиришни хоҳламайман, лекин мен ўйнашга лойиқман деб ўйладим, Пеп эса бошқача қарор тутди.
Биз гаплашдик, баҳслашмадик ва жамоамни алмаштириш яхши қарор деб ўйладим. Бу мен рад эта олмайдиган имконият эди. Ҳаммаси келишилган эди.
Ҳа, менда қийин характер бор, лекин ҳеч қачон, ҳеч қандай шароитда жамоадошларим ёки мураббийларга ҳурматсизлик қилмаганман», деди Жоау Португалия матбуотига.