Romelu Lukaku Chempionlar ligasining 1/8 finalida “Inter”ning “Portu” ustidan qozonilgan g‘alabasiga (1:0) baho berdi.
"G‘alaba qozonish muhim edi. Biz esa ikkinchi golni urishni juda xohlagandik.
Men bir necha og‘ir oylarni boshdan kechirishimga to‘g‘ri keldi (Lukaku ketma-ket ikkinchi o‘yinda gol urdi, bungacha oktyabr oyidan beri gol ura olmayotgandi - muallif). Men safga qaytganimdan va jamoaga umumiy maqsadlarimizga erishishda yordam bera olganimdan xursandman. Men o‘zim uchun emas, "Inter"ning manfaati uchun o‘ynayman.
Bu g‘alabadan juda xursandman. Biz xuddi shunday ruhda davom etmoqchimiz”, - dedi “Inter” hujumchisi.
