"Dinamo" jamoasi Pro liga yangi mavsumi oldidan o‘z safini yangi o‘yinchilar bilan kuchaytirmoqda.
Toshkentda o‘tgan yig‘in davomida "Dinamo" jamoasi safida faol harakat qilib, murabbiylar ishonchini qozongan ganalik yarimhimoyachi Fransis Narx klub bilan bir yillik shartnoma imzoladi.
O‘z vaqtida Gana yoshlar jamoasi safida to‘p surgan 28 yoshli hujumkor yarimhimoyachi o‘tgan yillar davomida Chexiya, Bolgariya, Turkiya, Belarus klublari, 2022 yilda esa Superligada "Bunyodkor" sharafini himoya qilib, 24 o‘yinda 2ta golga mualliflik qilgan.
Ma’lumotnoma:
Fransis Narx
Tug‘ilgan sanasi: 1994 yil, 18 aprel
Tug‘ilgan joyi: Gana, Akkra shahri
Ampluasi: hujumkor yarimhimoyachi.
