Yarim himoyachi Frenki de Yong yozgi transferlar vaqtida "Barselona"ni tark etishi mumkin. Kataloniyaliklar hali ham moliyaviy jihatdan qiynalmoqda va ular 25 yoshli futbolchini sotishdan manfaatdor bo‘lishadi. Agar futbolchi maoshini sezilarli darajada kamaytirishga rozi bo‘lsa, kataloniyaliklar De Yongni o‘z saflarida saqlab qolishga tayyor.
Calciomercato xabariga ko‘ra, "Manchester Yunayted" yozda Frenki de Yongni sotib olishga harakat qiladi. "Qizil iblislar" o‘tgan yili niderlandiyalik futbolchiga jiddiy qiziqish bildirgandi, ammo keyin de Yong "Barselona"ni tark etishni istamadi.
Transfermarkt ekspertlari Frenkini 50 million yevroga baholamoqda.