Hujumchi Mauro Ikardi keyingi mavsumda Italiya futboliga qaytishi mumkin. Xabarlarga ko‘ra, 30 yoshli futbolchiga A Seriyaning ikki grandi - "Milan" va "Roma" qiziqish bildirmoqda.
Qayd etilishicha, "Milan" varianti Mauro Ikardi uchun ma’qulroq bo‘lishi mumkin, chunki uning shu shaharda uyi bor. Xabaringiz bor, Ikardi avvalroq Milanning “Inter” klubida o‘ynagan.
Mauro Ikardi ayni damda Turkiyaning “Galatasaroy” klubida ijara asosida o‘ynamoqda. Shu bilan birga, argentinalik hujumchining huquqlari "PSJ"ga tegishli.
Qo‘shimcha qilamizki, nufuzli Transfermarkt portali mutaxassislari Mauro Ikardini 17,5 million yevroga baholamoqda.