"Liverpul" yozda "Inter" himoyachisi Alessandro Bastoniga taklif bilan chiqishi mumkin.
Fichajes nashri xabariga ko‘ra, agar "qizillar" Chempionlar ligasi yo‘llanmasini qo‘lga kirita olmasa, ingliz klubi 23 yoshli italiyalikni o‘z safiga qo‘shilishga ko‘ndirish qiyin bo‘ladi.
"Liverpul" hozirda 35 ochko bilan APL turnir jadvalida 8-o‘rinda bormoqda.
Himoyachiga "Real" qiziqayotgani avvalroq xabar qilingandi.
Bastoni “Inter” safida 2017 yilning yozidan buyon to‘p suradi. Joriy mavsumda u Italiya jamoasi safida 26 ta o‘yin o‘tkazib, 5 ta golli uzatmani amalga oshirgan.
Transfermarkt ma’lumotlariga ko‘ra, futbolchining narxi 55 million yevroni tashkil qiladi. Uning shartnomasi 2024 yilning yoziga qadar mo‘ljallangan.
