"Ливерпуль" ёзда "Интер" ҳимоячиси Алессандро Бастонига таклиф билан чиқиши мумкин.
Fichajes нашри хабарига кўра, агар "қизиллар" Чемпионлар лигаси йўлланмасини қўлга кирита олмаса, инглиз клуби 23 ёшли италияликни ўз сафига қўшилишга кўндириш қийин бўлади.
"Ливерпуль" ҳозирда 35 очко билан АПЛ турнир жадвалида 8-ўринда бормоқда.
Ҳимоячига "Реал" қизиқаётгани аввалроқ хабар қилинганди.
Бастони “Интер” сафида 2017 йилнинг ёзидан буён тўп суради. Жорий мавсумда у Италия жамоаси сафида 26 та ўйин ўтказиб, 5 та голли узатмани амалга оширган.
Transfermarkt маълумотларига кўра, футболчининг нархи 55 миллион еврони ташкил қилади. Унинг шартномаси 2024 йилнинг ёзига қадар мўлжалланган.
