Londonning "Arsenal" klubi o‘zining eng yaxshi futbolchilaridan biri Bukayo Saka bilan yangi shartnoma borasida kelishuvga erishgan ko‘rinadi. Bu haqda taniqli insayder Devid Ornshteyn xabar bermoqda.
Jurnalist ehtimoliy kelishuv muddati haqida xabar bermayapti, biroq tomonlar og‘zaki kelishuvga erishgani ma’lum.
Eslatib o‘tamiz, joriy mavsumda "Arsenal" Premyer-ligada peshqadamlik qilmoqda, Saka esa "kanonirlar"ning eng yaxshi to‘purarlaridan biri - barcha musobaqalarda 10 ta gol va 8 ta golli uzatma.
Transfermarkt ma’lumotlariga ko‘ra 21 yoshli futbolchining narxi 100 mln yevro, Sakaning "Arsenal" bilan amaldagi shartnomasi kelasi mavsum oxirigacha amal qiladi.
