Лондоннинг "Арсенал" клуби ўзининг энг яхши футболчиларидан бири Букайо Сака билан янги шартнома борасида келишувга эришган кўринади. Бу ҳақда таниқли инсайдер Девид Орнштейн хабар бермоқда.
Журналист эҳтимолий келишув муддати ҳақида хабар бермаяпти, бироқ томонлар оғзаки келишувга эришгани маълум.
Эслатиб ўтамиз, жорий мавсумда "Арсенал" Премьер-лигада пешқадамлик қилмоқда, Сака эса "канонирлар"нинг энг яхши тўпурарларидан бири - барча мусобақаларда 10 та гол ва 8 та голли узатма.
Transfermarkt маълумотларига кўра 21 ёшли футболчининг нархи 100 млн евро, Саканинг "Арсенал" билан амалдаги шартномаси келаси мавсум охиригача амал қилади.
