"Everton" o‘zining rasmiy sayti orqali darvozabon Jordan Pikford bilan shartnoma uzaytirilganini e’lon qildi.
28 yoshli futbolchi 2027 yilning iyun oyi oxirigacha mo‘ljallangan shartnoma imzolagan.
Jordan Pikford "Everton" safida 2017 yilning yozidan beri o‘ynab kelmoqda. O‘shandan beri darvozabon jamoa safida 222 ta rasmiy o‘yin o‘tkazib, o‘z darvozasidan 319 ta gol o‘tkazib yuborgan. Pikford Angliya terma jamoasining asosiy darvozaboni hisoblanadi.
"Everton" hozirda APL turnir jadvalida 16-o‘rinda bormoqda. Jamoa navbatdagi o‘yinni 25 fevral kuni o‘z maydonida "Aston Villa"ga qarshi o‘tkazadi.
