"Эвертон" ўзининг расмий сайти орқали дарвозабон Жордан Пикфорд билан шартнома узайтирилганини эълон қилди.
28 ёшли футболчи 2027 йилнинг июнь ойи охиригача мўлжалланган шартнома имзолаган.
Жордан Пикфорд "Эвертон" сафида 2017 йилнинг ёзидан бери ўйнаб келмоқда. Ўшандан бери дарвозабон жамоа сафида 222 та расмий ўйин ўтказиб, ўз дарвозасидан 319 та гол ўтказиб юборган. Пикфорд Англия терма жамоасининг асосий дарвозабони ҳисобланади.
"Эвертон" ҳозирда АПЛ турнир жадвалида 16-ўринда бормоқда. Жамоа навбатдаги ўйинни 25 февраль куни ўз майдонида "Астон Вилла"га қарши ўтказади.
