«Manchester Yunayted»ning chap qanot himoyachisi Lyuk Shou «Nyukasl»ga qarshi Liga kubogi finali oldidan o‘z fikrlari bilan o‘rtoqlashdi.
Uchrashuv muvaffaqiyatli chiqsa, «qizil iblislar» Erik ten Xag tayinlanganidan keyin birinchi sovrinini qo‘lga kiritadi.
«Bizni juda muhim voqelik kutib turibdi. Biz «Nyukasl»dan nima kutishni bilamiz, lekin, albatta, o‘yin boshlangach barcha fikrlar orqa fonga o‘tadi – biz shunchaki futbol o‘ynaymiz. Bizning ustuvor vazifamiz o‘z o‘yinimiz, kuchli tomonlarimizga to‘liq e’tibor qaratishdir.
Hammamiz katta o‘yinlarda qatnashish tajribasiga egamiz», - deya Shouning so‘zlarini keltirmoqda «Yunayted» matbuot xizmati.
