«Манчестер Юнайтед»нинг чап қанот ҳимоячиси Люк Шоу «Ньюкасл»га қарши Лига кубоги финали олдидан ўз фикрлари билан ўртоқлашди.

Учрашув муваффақиятли чиқса, «қизил иблислар» Эрик тен Хаг тайинланганидан кейин биринчи совринини қўлга киритади.

«Бизни жуда муҳим воқелик кутиб турибди. Биз «Ньюкасл»дан нима кутишни биламиз, лекин, албатта, ўйин бошлангач барча фикрлар орқа фонга ўтади – биз шунчаки футбол ўйнаймиз. Бизнинг устувор вазифамиз ўз ўйинимиз, кучли томонларимизга тўлиқ эътибор қаратишдир.

Ҳаммамиз катта ўйинларда қатнашиш тажрибасига эгамиз», - дея Шоунинг сўзларини келтирмоқда «Юнайтед» матбуот хизмати.