Bolgariyada o‘tayotgan boks bo‘yicha nufuzli "Stranja kubogi" musobaqasida bugun ayollar va erkaklar o‘rtasidagi yarim final janglari o‘tkazildi.

Yarim finalga yetib kelgan o‘zbekistonlik ikki ayoldan bir nafari — Saidaxon Rahmonova (48 kg.) yarim finalda hindistonlik raqibini mag‘lub etib, finalga chiqdi. Xadichabonu Abdullayeva esa niderlandiyaliklar bokschiga 2:3 hisobida imkoniyatni boy berdi.

O‘zbekistonlik erkak sportchilardan 11 nafari finalga yetib keldi. Ikki vazn toifasida (63,5 va 67 kg) esa sof o‘zbekcha finaldan iborat bo‘ladigan bo‘ldi.

25 fevral kuni "Stranja" turnirida o‘zbek bokschilari qayd etgan natijalar:

-48 kg: Saidaxon Rahmonova - Kalaivani (Hindiston) - 5:0 - g‘alaba;

-63 kg: Xadichabonu Abdullayeva - Keona Sam-Sin (Niderlandiya) - 2:3 - mag‘lubiyat;

-48 kg: Shodiyorjon Meliqo‘ziyev - Yergunal Sebatin (Bolgariya) - 3:2 - g‘alaba;

-51 kg: Hasanboy Do‘smatov - Jimao Jang (Xitoy) - 4:1 - g‘alaba;

-54 kg: Mirazizbek Mirzaxalilov - Federiko Serra (Italiya) - 3:2 - g‘alaba;

-60 kg: Shunqor Abdurasulov - Radoslav Rosenov (Bolgariya) - 1:4 - mag‘lubiyat;

-60 kg: Adhamjon Muhiddinov - Dilshod Abdumurodov - 5:0 - g‘alaba;

-63,5 kg: Ruslan Abdullayev - Maks Makkleri (Avstraliya) - 5:0 - g‘alaba;

-63,5 kg: Mujibillo Tursunov - Emilo Garsiya (AQSH) - 4:1 - g‘alaba;

-67 kg: Asadxo‘ja Mo‘ydinxo‘jayev - Gurgen Madoyan (Armaniston) - 5:0 - g‘alaba;

-67 kg: Bekzod Hamidov - Sebastyan Terteryan (Daniya) - 5:0 - g‘alaba;

-71 kg: Nurislom Ismoilov - Erdemir Tugrulxan (Turkiya) - 0:5 - mag‘lubiyat;

-71 kg: Saidjamshid Jafarov - Nikolay Terteryan (Daniya) - Raqib 1-raunddan so‘ng jangni davom ettirmadi - g‘alaba;

-75 kg: Havasbek Asadullayev - Villiam Cholov (Bolgariya) - 2:3 - mag‘lubiyat;

-80 kg: Jasurbek Yo‘ldoshev - Robbi Gonsales (AQSH) - 0:5 - mag‘lubiyat;

-86 kg: Shohjahon Abdullayev - Georgi Kushitashvili (Gruziya) - 3:1 - g‘alaba;

+92 kg: Bahodir Jalolov - Muhammad Abdullayev (Ozarbayjon) - raqib jangga chiqmadi, Bahodir Jalolov finalga yo‘l oldi