Болгарияда ўтаётган бокс бўйича нуфузли "Странжа кубоги" мусобақасида бугун аёллар ва эркаклар ўртасидаги ярим финал жанглари ўтказилди.

Ярим финалга етиб келган ўзбекистонлик икки аёлдан бир нафари — Саидахон Раҳмонова (48 кг.) ярим финалда ҳиндистонлик рақибини мағлуб этиб, финалга чиқди. Хадичабону Абдуллаева эса нидерландияликлар боксчига 2:3 ҳисобида имкониятни бой берди.

Ўзбекистонлик эркак спортчилардан 11 нафари финалга етиб келди. Икки вазн тоифасида (63,5 ва 67 кг) эса соф ўзбекча финалдан иборат бўладиган бўлди.

25 февраль куни "Странжа" турнирида ўзбек боксчилари қайд этган натижалар:

-48 кг: Саидахон Раҳмонова - Калаивани (Ҳиндистон) - 5:0 - ғалаба;

-63 кг: Хадичабону Абдуллаева - Кеона Сам-Син (Нидерландия) - 2:3 - мағлубият;

-48 кг: Шодиёржон Мелиқўзиев - Ергунал Себатин (Болгария) - 3:2 - ғалаба;

-51 кг: Ҳасанбой Дўсматов - Жимао Жанг (Хитой) - 4:1 - ғалаба;

-54 кг: Миразизбек Мирзахалилов - Федерико Серра (Италия) - 3:2 - ғалаба;

-60 кг: Шунқор Абдурасулов - Радослав Росенов (Болгария) - 1:4 - мағлубият;

-60 кг: Адҳамжон Муҳиддинов - Дилшод Абдумуродов - 5:0 - ғалаба;

-63,5 кг: Руслан Абдуллаев - Макс Макклери (Австралия) - 5:0 - ғалаба;

-63,5 кг: Мужибилло Турсунов - Эмило Гарсия (АҚШ) - 4:1 - ғалаба;

-67 кг: Асадхўжа Мўйдинхўжаев - Гурген Мадоян (Арманистон) - 5:0 - ғалаба;

-67 кг: Бекзод Ҳамидов - Себастян Тертерян (Дания) - 5:0 - ғалаба;

-71 кг: Нурислом Исмоилов - Эрдемир Тугрулхан (Туркия) - 0:5 - мағлубият;

-71 кг: Саиджамшид Жафаров - Николай Тертерян (Дания) - Рақиб 1-раунддан сўнг жангни давом эттирмади - ғалаба;

-75 кг: Ҳавасбек Асадуллаев - Виллиам Чолов (Болгария) - 2:3 - мағлубият;

-80 кг: Жасурбек Йўлдошев - Робби Гонсалес (АҚШ) - 0:5 - мағлубият;

-86 кг: Шоҳжаҳон Абдуллаев - Георги Кушиташвили (Грузия) - 3:1 - ғалаба;

+92 кг: Баҳодир Жалолов - Муҳаммад Абдуллаев (Озарбайжон) - рақиб жангга чиқмади, Баҳодир Жалолов финалга йўл олди