"Inter" hujumchisi Lautaro Martines jamoasining "Bolonya"ga qarshi safardagi (0:1) mag‘lubiyatidan so‘ng o‘z fikrlarini bildirib o‘tdi.
"Bunday o‘yin bilan biz hech narsaga erisha olmasligimizni his qilyapman. Biz yanada barqaror bo‘lishimiz kerak. Chempionlar ligasida ajoyib o‘yin o‘tkazdik, biz bu yerga ishtiyoq bilan keldik, keyin shunday o‘ynadik... Boshimizni ko‘tarib, oldinga intilishimiz kerak, aks holda hech narsaga erisha olmaymiz.
"Bolonya" yaxshi jamoa. Bugun ular bizdan yaxshiroq bo‘ldi va g‘alabaga haqli edi. "Inter" muxlislaridan uzr so‘rayman. Biz “Napoli”dan 18 ochko ortda qoldik” - dedi Martines Sky bilan suhbatda.
