"Интер" ҳужумчиси Лаутаро Мартинес жамоасининг "Болонья"га қарши сафардаги (0:1) мағлубиятидан сўнг ўз фикрларини билдириб ўтди.
"Бундай ўйин билан биз ҳеч нарсага эриша олмаслигимизни ҳис қиляпман. Биз янада барқарор бўлишимиз керак. Чемпионлар лигасида ажойиб ўйин ўтказдик, биз бу ерга иштиёқ билан келдик, кейин шундай ўйнадик... Бошимизни кўтариб, олдинга интилишимиз керак, акс ҳолда ҳеч нарсага эриша олмаймиз.
"Болонья" яхши жамоа. Бугун улар биздан яхшироқ бўлди ва ғалабага ҳақли эди. "Интер" мухлисларидан узр сўрайман. Биз “Наполи”дан 18 очко ортда қолдик” - деди Мартинес Sky билан суҳбатда.
