Angliya chempionatining yigirma beshinchi turidan o‘rin olgan bahsda «Tottenxem» o‘z maydonida «Chelsi»ni qabul qilib, raqib darvozasiga javobsiz ikkita gol urdi.
Ikkinchi golga Xarri Keyn mualliflik qildi va u o‘yindan so‘ng o‘z fikrlari bilan o‘rtoqlashdi.
«Chelsi» oxirgi paytlarda biz uchun qiyin raqib bo‘ldi. Shu bois, bu juda muhim g‘alaba bo‘lib, bizni to‘rtinchi o‘rin uchun kurashda qoldiradi.
Menimcha, biz bu natijaga loyiqmiz. Yaxshi uy uchrashuvini o‘tkazdik, darvozamiz dahlsizligini saqlab qoldik», - dedi Keyn.
«Tottenxem» navbatdagi bahsni «Vulverxempton»ga qarshi o‘tkazadi.
