"Milan" ketma-ket 4ta o‘yinda birorta ham gol o‘tkazmasdan g‘alaba qozondi.
A Seriyaning 24-turida “rossonerilar” “Atalanta”ni 2:0 hisobida mag‘lub etib, barcha musobaqalardagi g‘alabali seriyasini 4 ta o‘yinga yetkazdi.
"Milan" so‘nggi to‘rtta o‘yinning har birida o‘z darvozasi dahlsizligini saqlab qoldi.
Avvalroq bosh murabbiy Stefano Pioli jamoasi A seriyada “Torino” (1:0) va “Monsa” (2:0), Chempionlar ligasida “Tottenxem” (1:0) klublarini mag‘lub etgandi.
"Milan"ning so‘nggi bunday seriyasi 2018 yilning fevralida bo‘lgan, o‘shanda jamoa 5 ta o‘yinda g‘alaba qozongan: 3 tasi A Seriyada va 2 tasi Yevropa Ligasida.
