"Милан" кетма-кет 4та ўйинда бирорта ҳам гол ўтказмасдан ғалаба қозонди.

А Сериянинг 24-турида “россонерилар” “Аталанта”ни 2:0 ҳисобида мағлуб этиб, барча мусобақалардаги ғалабали сериясини 4 та ўйинга етказди.

"Милан" сўнгги тўртта ўйиннинг ҳар бирида ўз дарвозаси даҳлсизлигини сақлаб қолди.

Аввалроқ бош мураббий Стефано Пиоли жамоаси А серияда “Торино” (1:0) ва “Монца” (2:0), Чемпионлар лигасида “Тоттенхэм” (1:0) клубларини мағлуб этганди.

"Милан"нинг сўнгги бундай серияси 2018 йилнинг февралида бўлган, ўшанда жамоа 5 та ўйинда ғалаба қозонган: 3 таси А Серияда ва 2 таси Европа Лигасида.