Grem Potter "Chelsi"ga kelganiga besh oy bo‘ldi xolos. Ammo u katta bosimlar ostida qoldi. Buning asosiy sababini ingliz mutaxassisining "Chelsi"dagi davrida sodir bo‘lgan o‘zgarishlar ham aytib turibdi. Shunday aspketlardan biri turnir jadvalidir. Potter davri, avvaliga yaxshi boshlangan edi. Ammo Jahon chempionatidan oldin "Nyukasl"dan mag‘lubiyat qabul qilib olinadi (1-0). Shundan keyin ketma-ket besh uchrashuvda qatorasiga mag‘lubiyatlar qayd etildi. Xususan, "Chelsi" APLning so‘nggi to‘qqizta bahsidan faqat ikkitasida g‘alaba qozondi xolos. Vaholanki, "aristokratlar" mavsum oldidan kamida kuchli to‘rttalikka kirishi kerak edi.
"Chelsi" hamshahar jamoalari bo‘lgan "Brentford" va "Fulxem"dan qaqshatqich mag‘lubiyatlar qabul qilib oldi. Eng achinarlisi esa Potterning sobiq jamoasi bo‘lmish "Brayton" bilan yuz berdi. Tomas Tuxel jamoadan ketishidan ilgari "Chelsi" turnir jadvalida oltinchi o‘rinni egallab turgandi. Jamoani o‘shanda kuchli to‘rttalikdan faqatgina to‘plab nisbati ajratgan. Dastlabki, oltita turda esa 50 foiz o‘yinni g‘alaba bilan yakunlangan (o‘rtacha 1.6 foiz). Bu ko‘rsatkichlar Potter tayinlanganidan keyin ancha salbiy tomonga o‘zgardi. Xususan, har bir o‘yinda o‘rtacha 1.2 ochko to‘plana boshladi. G‘alaba ko‘rsatkichi esa 29 foizga tushib ketdi. "Chelsi"ning o‘zi kuchli to‘rttalikdan 10 ochko farq bilan 10 o‘rinni egallab turibdi.
Potter "Sautgempton"ga qarshi uchralgan uy uchrashuvidagi mag‘lubiyatdan keyin shunday degandi: "Uyda uchralgan mag‘lubiyatdan keyin har qanday tanqidni tushunsa bo‘ladi. Og‘ir davrlarni boshdan kechiryapmiz. Natijalar salbiylashib ketdi. Yosh futbolchilarni APLga moslashtirish qiyin kechmoqda. Bildirilayotgan fikrlarni noto‘g‘ri deya olmayman. Men o‘z vazifamni yaxshi anglayman va iloji boricha vaziyatni yaxshilashga urinyapman. Qulay imkoniyatlardan foydalana olmaslik, bizga qimmatga tushdi".
Quyida Potter "Chelsi"ga kelganidan beri APL jadvalida qanday o‘zgarish bo‘lgani taqdim etiladi. 20 ta jamoaning hammasi 18 tadan o‘yin o‘tkazgan. Ko‘proq yoki kamroq bahsda qatnashganlar alohida belgilanadi.
1. "Arsenal" – 42 ochko (+22)
2. "Manchester Siti" – 41 ochko (+25) 19 ta o‘yin bilan
3. "MYU" – 37 ochko (+13)
4. "Nyukasl" – 34 ochko (+19) 17 ta o‘yin bilan
5. "Fulxem" – 31 ochko (+5) 19 ta o‘yin bilan
6. "Tottenxem" – 31 ochko (+4)
7. "Liverpul" – 27 ochko (+1) 17 ta o‘yin bilan
8. "Aston Villa" – 27 ochko (-3)
9. "Brentford" – 26 ochko (+1) 17 ta o‘yin bilan
10. "Lester Siti" – 23 ochko (+2)
11. "Brayton" – 22 ochko (+4) 16 ta o‘yin bilan
12. "Chelsi" – 21 ochko (-1)
13. "Kristal Pelas" – 21 ochko (-8)
14. "Nottingem Forest) – 21 ochko (-14)
15. "Vest Xem" – 19 ochko (-1)
16. "Vulverxempton" – 18 ochko (-14)
17. "Everton" – 17 ochko (-13)
18. "Lids" – 14 ochko (-10)
19. "Bornmut" – 14 ochko (-13)
20. "Sautgempton" – 11 ochko (-19)
ISMATOV J.
