"Milan" hujumchisi Zlatan Ibrahimovich Italiya klubi va portugaliyalik Rafael Leau o‘rtasida shartnomani uzaytirish bo‘yicha olib borilayotgan muzokaralar haqida hazil qildi.

"Uning uchun maoshimni qisqartirdim, tekinga o‘ynayman. U yana mening uyimni xohlaydimi?” — dedi Ibrahimovich.

Eslatib o‘tamiz, vingerning "rossonerilar" bilan amaldagi shartnomasi 2024 yilning yoziga qadar tuzilgan. Portugaliyalik futbolchi 2019 yildan beri "Milan" sharafini himoya qilib keladi, avval u "Lill" va "Sporting" klublarida o‘ynagan.

23 yoshli Leau joriy mavsumda 32 ta o‘yinda maydonga tushib, 9 ta gol urdi va 10 ta golli uzatmani amalga oshirdi. Transfermarkt hujumchini 85 million yevroga baholamoqda.