"Милан" ҳужумчиси Златан Ибраҳимович Италия клуби ва португалиялик Рафаэль Леау ўртасида шартномани узайтириш бўйича олиб борилаётган музокаралар ҳақида ҳазил қилди.
"Унинг учун маошимни қисқартирдим, текинга ўйнайман. У яна менинг уйимни хоҳлайдими?” — деди Ибраҳимович.
Эслатиб ўтамиз, вингернинг "россонерилар" билан амалдаги шартномаси 2024 йилнинг ёзига қадар тузилган. Португалиялик футболчи 2019 йилдан бери "Милан" шарафини ҳимоя қилиб келади, аввал у "Лилль" ва "Спортинг" клубларида ўйнаган.
23 ёшли Леау жорий мавсумда 32 та ўйинда майдонга тушиб, 9 та гол урди ва 10 та голли узатмани амалга оширди. Transfermarkt ҳужумчини 85 миллион еврога баҳоламоқда.
