Argentina terma jamoasi bosh murabbiyi Lionel Skaloni 2022 yilning eng yaxshi murabbiyi sovrinini qo‘lga kiritgani haqida fikr bildirdi.

"Ushbu mukofot uchun ishtirok etgan barchaga minnatdorchilik bildirmoqchiman. Bu terma jamoadagi barcha futbolchilarning xizmatlari. Rahmat, yigitlar, ularsiz bularning hech qaysi biri amalga oshmasdi. Men ulardan abadiy minnatdorman. Jamoa mamlakatni biz bilan faxrlantirdi. Odamlarni baxtli ko‘rish ajoyib. Mening yaqinlarimga katta rahmat. Meni shu yerda turishimga sababchi bo‘lgan barchaga rahmat", - dedi Skaloni.

Eslatib o‘tamiz, Lionel Messi yilning eng yaxshi futbolchisi, Emiliano Martines esa eng yaxshi darvozabon sifatida tan olingandi.