"Napoli" klubi hujumchi Xvicha Kvarasxeliyaning maoshini oshirishni rejalashtirmoqda, deb xabar beradi La Gazette Dello Sport.

Manba bergan xabarga ko‘ra, Italiya klubi rahbariyati mavsum yakunida 22 yoshli gruziyalikning vakili bilan uchrashib, unga bonuslarni hisobga olmaganda yiliga 2,5 million yevro maosh taklif qilmoqchi. Eslatib o‘tamiz, hozir Kvarasxeliya 1,7 million yevro ishlab oladi.

Vingerning neapolliklar klubi bilan amaldagi shartnomasi 2027 yilning yoziga qadar mo‘ljallangan. Oldinroq Gruziya terma jamoasi futbolchisiga Madridning “Real” klubi qiziqish bildirayotgani haqida xabar berilgandi.

Kvarasxeliya joriy mavsum “Napoli” safida 26 ta o‘yinda maydonga tushib, 12 ta gol urdi va 15 ta golli uzatmani amalga oshirdi.