"Fulxem" sharafini himoya qilayotgan Monor Solomon xizmatlariga Londonning boshqa bir jamoasi "Tottenxem" qiziqish bildirmoqda. "Shporlar" futbolchi ko‘rsatayotgan o‘yinidan qoyil qolishgan.
Solomon hozirda ijara asosida "Fulxem"da o‘ynaydi. Isroillik futbolchining transfer huquqlari "Shaxtyor"ga tegishli. London klubiga o‘tishdan oldin Solomon FIFA qoidalaridan foydalanib, Ukraina klubi bilan shartnomani to‘xtatdi.
2022/2023 yilgi mavsumda futbolchi 10 ta o‘yin o‘tkazib, uchta gol urgan. Transfermarkt ekspertlari futbolchini 18 million yevroga baholamoqda.