"Фулхэм" шарафини ҳимоя қилаётган Монор Соломон хизматларига Лондоннинг бошқа бир жамоаси "Тоттенхэм" қизиқиш билдирмоқда. "Шпорлар" футболчи кўрсатаётган ўйинидан қойил қолишган.
Соломон ҳозирда ижара асосида "Фулхэм"да ўйнайди. Исроиллик футболчининг трансфер ҳуқуқлари "Шахтёр"га тегишли. Лондон клубига ўтишдан олдин Соломон ФИФА қоидаларидан фойдаланиб, Украина клуби билан шартномани тўхтатди.
2022/2023 йилги мавсумда футболчи 10 та ўйин ўтказиб, учта гол урган. Transfermarkt экспертлари футболчини 18 миллион еврога баҳоламоқда.