“Chelsi” himoyachisi Tyago Silva APLning 25-turidan o‘rin olgan “Tottenxem”ga qarshi o‘yinda (0:2) jarohat oldi, deb xabar beradi londonliklar matbuot xizmati.
Kecha, 27 fevral kuni braziliyalik futbolchi klub mashg‘ulotlar markazi hududida ko‘rikdan o‘tkazildi. Tekshiruv natijalari tizza ligamentlarining shikastlanishini tasdiqladi.
Silvaning tiklanishi kamida 6 hafta davom etadi. U 7 mart kuni bo‘lib o‘tadigan Chempionlar ligasi 1/8 finali doirasidagi "Borussiya"ga qarshi javob o‘yinini o‘tkazib yuboradi.
38 yoshli futbolchi joriy mavsumda APLda 21 ta o‘yinda maydonga tushib, 2 ta golga assistentlik qildi.
