"Barselona" hujumchisi Ansu Fati jamoasining bugungi mashg‘ulotlarini ham o‘tkazib yubordi. Mundo Deportivo xabariga ko‘ra, yosh ispaniyalik ertalab bo‘lib o‘tgan guruh yig‘inida qatnashmagan.
Oldinroq Fati jarohat olib, noma’lum muddatga safdan chiqqandi. Murabbiylar shtabi Ansu Ispaniya kubogi yarim finalining “Real”ga qarshi birinchi o‘yinida o‘z vaqtida tuzalib ketishidan umidvor. Biroq qanot hujumchisi o‘yinda ishtirok etmaydiganga o‘xshaydi.
Eslatib o‘tamiz, Robert Levandovski, Pedri va Usmon Dembele ham jarohatlarini davolamoqda. Chempionatning so‘nggi turida Xavi Ernandes shogirdlari mehmonda "Almeriya"ga imkoniyatni boy berishdi.
